Ayoko

Ayokong maging doctor, dahil ayoko makita ang mga internal organs ng tao.

Ayokong maging accountant, dahil allergic ako sa math.

Ayokong maging artista, dahil mas ok pa sa akin maging direktor.

Ayokong maging direktor, dahil ayoko sa mga artista.

Ayokong maging pulis, dahil hindi ako matulis.

Ayokong maging bumbay, dahil hindi ako matibay.

Ayokong maging magtataho, dahil ayoko sa sago.

Ayokong maging magbabalot, dahil ayoko sa mga lasenggerong makulit.

Ayokong maging chef, dahil hindi ako magaling magluto.

Ayokong maging kundoktor, dahil mahina ang aking balanse.

Ayokong maging basketball player, dahil mababa akong tumalon.

Ayokong maging panadero, dahil ayokong magising ng maaga.

Ayokong maging csr, dahil ayokong magtrabaho ng madaling araw.

Ayokong maging waiter, dahil mainipin ako.

Ayokong maging dentista, dahil ayokong makakita ng nakabukang bibig.

Ayokong maging teacher, dahil mas gusto kong matuto kesa magturo.

Ayokong maging drummer, dahil hindi sila naliligo. Ay, si Veni lang pala.

Ayokong maging bank teller, dahil takot ako sa holdap.

Ayokong maging dennis roldan, dahil ayokong mangidnap.

Ayokong maging tricycle driver, dahil ayoko sa tatlong gulong.

Ayokong maging jeepney driver, dahil ayokong manukli.

Ayokong maging langgam, dahil baka maging diabetic ako.

Ayokong maging ipis, dahil ayokong makipagaway sa tsinelas.

Ayokong maging cartoons, dahil akala ng iba ay mature ako.

Ayokong maging mature, dahil mas gusto ko pang manood ng cartoons.

Ayokong maging magician, dahil ayokong mawalan ng kuneho.

Ayokong maging congressman, dahil ayokong umitim ang aking budhi.

Ayokong maging papel, dahil ayoko sa mga drowing.

Ayokong maging sapatos, dahil ayokong maitlugan ng ipis.

Ayokong maging cellphone, dahil ayokong malobat.

Ayokong maging keso, dahil takot ako sa daga.

Ayokong maging lolo, dahil sa ayoko magka-liver spots.

Ayokong maging salamin, dahil talo ako lagi sa titigan.

Ayokong maging tanghalian, dahil ayokong maging ebak.

Ayokong maging pera, dahil ayokong madrowingan ng shades.

Ayokong maging eleksiyon, dahil ayokong mabalewala.

Ayokong maging aso, dahil gusto ko sa pusa.

Ayokong maging pusa, dahil hindi sila naliligo.

Ayokong maging mani, dahil ayokong maging burles.

Ayokong maging instant noodles, dahil mas astig ang pinaghihirapan.

Ayokong maging fruit salad, dahil ayoko sa prutas.

Ayokong maging fishball, dahil baka ako ang sisihin sa hepa.

Ayokong maging vanilla, dahil mas gusto ko ang chocolate.

Ayokong maging ube, dahil hindi ko gusto si grimace.

Ayokong maging kuya germs, dahil gusto ko nang matulog.

Ayokong maging pangako, dahil baka lang ako mapako.

Ayokong maging pako, dahil masakit mapalo ng martilyo sa ulo.

Ayokong maging tamad, dahil mas productive ang maging masipag.

Ayokong maging masipag, dahil ubod ako ng tamad.

Ayokong maging ikaw, dahil mas gusto kong maging ako.

Ayokong maging ako, dahil mas gusto kong maging si batman.